მონიტორინგი
მწვავე Q ცხელება- თუ პაციენტს არ აქვს პერსისტენტული ფოკალური ინფექციის რისკფაქტორები, საჭიროა სეროლოგიური მონიტორინგი მე-3 და მე-6 თვეს. კლინიკური და სეროლოგიური მონიტორინგი უნდა შეჩერდეს მე-6 თვეზე იმ შემთხვევაში, თუ არ გვაქვს პერსისტენტული ფოკალური ინფექციის კლინიკური ნიშანი და I ფაზის IgG არის <1:800.
მონიტორინგის რეკომენდაციები პაციენტებისთვის, რომლებიც იტარებენ მკურნალობას C burnetii-ის ინფექციისთვის:
მწვავე ინფექცია:
ბაზისური ტრანსთორაკალური ექოკარდიოგრამა რეკომენდებულია ვეგეტაციების ან სარქვლოვანი დაავადების არსებობის შესაფასებლად.
სეროლოგია უნდა გამეორდეს მე-3 და მე-6 თვეზე.
იმ შემთხვევაში, თუ I ფაზის იმუნოგლობულინი G სეროლოგია დარჩება ≥1:800 და/ან გამოვლინდება ცუდი კლინიკური ნიშნები, პოზიტრონ-ემისიური ტომოგრაფია/კომპიუტერულ-ტომოგრაფიული სკანირება უნდა ჩატარდეს შრატის პოლიმერაზას ჯაჭვური რეაქციის ტესტირებასთან ერთად.[2]
პერსისტენტული ფოკალური ინფექციები:
სეროლოგიები და მედიკამენტის დონის მონიტორინგი (დოქსიციკლინის შენარჩუნება 5-10 მგ/ლ-ზე, ხოლო ჰიდროქსიქლოროქვინის- 0.8-1.2 მგ/ლ-ზე) უნდა გაკეთდეს ყოველთვე ანტიბოიტიკოთერაპიის განმავლობაში, კლინიკურ გასინჯვასთან ერთად და ანტიბიოტიკოთერაპიის შემდეგ პირველი 6 თვის განმავლობაში, შემდეგ კი ყოველ 6 თვეში ერთხელ 5 წლის განმავლობაში. რეციდივი აღწერილია Q ცხელების ენდოკარდიტის გადატანიდან 5 წლის შემდეგ.[84][103]
განკურნებულად ითვლება პაციენტი, რომელსაც აღენიშნება კარგი კლინიკური გამოსავალი, უტარდება 18-24-თვიანი სრული სამკურნალო კურსი (მათ, ვისაც აღენიშნება C burnetii-თან დაკავშირებული გულ-სისხლძარღვთა ინფექციები) და კარგი სეროლოგიური შედეგი (ე.ი. I ფაზაში იმუნოგლობულინი G-ის ხსნარის ტიტრის ორამგი დაქვეითება, ასევე II ფაზის იმუნოგლობულინი M-ის გაქრობა 1 წლის თავზე).[84] I ფაზის IgG ≤1:800 აღარ გამოიყენება განკურნების კრიტერიუმად.[84]
ამ მასალის გამოყენება ექვემდებარება ჩვენს განცხადებას