ბულოზური პემფიგოიდი

ბულოზური პემფიგოიდი ქრონიკული დაავადებაა, რომელიც ხასიათდება სპონტანური გამწვავებებითა და რემისიებით. პაციენტების მეთვალყურეობა საჭიროა სრული რემისიის მიღწევამდე და წამლების მოხსნამდე.

სტაბილურ პაციენტებში მედიკამენტების შემცირების მცდელობა საჭიროა ყოველ 1 ან 2 თვეში ერთხელ. მცდელობები უნდა ეფუძნებოდეს კლინიკურ და არა იმუნოფლუორესცენტულ კრიტერიუმებს. დოზის შემცირების პერიოდში შემთხვევათა 50%-ში დაავადება ხელახლა ვითარდება, რაც მიუთითებს, რომ წინა დოზა, სავარაუდოდ, პაციენტის მინიმალური ეფექტური დოზაა. საჭიროა ქავილის სათანადო კონტროლი.

ხანგრძლივვადიან იმუნოსუპრესიულ თერაპიაზე მყოფ პაციენტებში საჭიროა სათანადო მონიტორინგი, რეკომენდებული ინტერვალებით. როდესაც რომელიმე გართულება იწვევს ფუნქციურ დარღვევებს, საჭიროა აგენტის დაუყოვნებლივ მოხსნა და ალტერნატიული მკურნალობის განხილვა. ბულოზური პემფიგოიდის დროს სისტემური კორტიკოსტეროიდებით მკურნალობის ხანგრძლივობა შესაძლებელია რამდენიმე თვეს შეადგენდეს, ხოლო ზოგჯერ მისი განსაზღვრა შეუძლებელია. გასათვალისწინებელია ასევე კუჭის დაცვა.[9]Ujiie H, Iwata H, Yamagami J, et al. Japanese guidelines for the management of pemphigoid (including epidermolysis bullosa acquisita). J Dermatol. 2019 Dec;46(12):1102-35. https://www.doi.org/10.1111/1346-8138.15111 http://www.ncbi.nlm.nih.gov/pubmed/31646663?tool=bestpractice.com ძვლის განლევის მაქსიმალური შემცირებისთვის ზომების მიღება საჭიროა პოსტმენუპაუზურ ქალებსა და 50 წელს გადაცილებულ მამაკაცებში, ასევე პაციენტებში, რომლებიც იმყოფებიან სიმყიფით გამოწვეული მოტეხილობების რისკის ქვეშ და მათთვის, ვინც ყოველდღიურად უნდა მიიღოს 7.5 მგ პრედნიზოლონი ყოველდღიურად სულ მცირე 3 თვის განმავლობაში.[9]Ujiie H, Iwata H, Yamagami J, et al. Japanese guidelines for the management of pemphigoid (including epidermolysis bullosa acquisita). J Dermatol. 2019 Dec;46(12):1102-35. https://www.doi.org/10.1111/1346-8138.15111 http://www.ncbi.nlm.nih.gov/pubmed/31646663?tool=bestpractice.com