კვლევები
1-ად შესაკვეთი გამოკვლევები
ქირურგიული დათვალიერება
ტესტი
ნეკროზულ ფასციიტზე ეჭვის მიტანისთანავე საჭიროა გადაუდებელი ქირურგიული კონსულტაცია ინფიცირებული ქსოვილის ინსპექციის, გამოკვლევისა და დებრიდინგისთვის (ნეკროზული, ინფიცირებული ქსოვილის მოცილება)[3][5]
ნეკროზული ფასციიტის დიაგნოსტიკის მიზნით შეიძლება გამოყენებული იყოს ე.წ."თითის ტესტი". ეს არის ქირურგიული მეთოდი, რომელიც შეიძლება ჩატარდეს ადგილობრივი გაუტკივარებით ავადმყოფის საწოლთან.[2] კეთდება 2 სმ სიღრმის ჭრილობა ღრმა ფასციამდე. განაკვეთის გაკეთების შემდეგ ნეკროზული ფასციიტის დიაგნოზზე მიუთითებს შემდეგი ნიშნები:[2]
გაკვეთის მიმართ ქვეშმდებარე ქსოვილების მინიმალური წინააღმდეგობა ( თითის "დადებითი" ტესტი)
სისხლდენის არარსებობა
ნეკროზული ქსოვილის არსებობა
შემღვრეული ან მორუხო ფერის სითხის არსებობა.
შედეგი
განაკვეთის გაკეთების დროს დადებითი თითის ტესტი, სისხლდენის არარსებობა, ნეკროზული ქოვილისა და მორუხო შემღვრეული სითხის არსებობა რბილი ქსოვილების ნეკროზული ინფექციის მიმანიშნებელია.
სისხლის და ქსოვილოვანი კულტურები
ტესტი
დასკვნითი ბაქტერიოლოგიური დიაგნოზისთვის საუკეთესო ქსოვილოვანი ნიმუშების მიღება შესაძლებელია ქირურგიული ნეკრექტომიის შედეგად, აგრეთვე სისხლის კულტურის გამოყვანის საშუალებით.[5]
შედეგი
დადებითი; შესაძლოა მიანიშნებდეს პოლიმიკრობულ, ან მონომიკრობულ ეტიოლოგიაზე
გრამის წესით შეღებვა
ტესტი
კლინიკურად დაზიანებული ქსოვილის შეღებვა იძლევა გამომწვევი მიკროორგანიზმის (ების) ადრეული გამოვლენის საშუალებას. მაგალითად, გრამ-დადებითი კოკების მოკლე ჯაჭვები მიგვანიშნებენ სტრეპტოკოკულ ინფექციაზე; დიდი ზომის კოკების ჯგუფები მიუთითებს Staphylococcus aureus არსებობაზე.
შედეგი
ცვალებადი
სისხლის საერთო ანალიზი უჯრედების დიფერენციული ანალიზით
ტესტი
ლეიკოციტების (WBC) რაოდენობის მატება წარმოადგენს არასპეციფიკურ ნიშანს, რომელიც შესაძლოა ახლდეს სხვადასხვა სისტემურ ინფექციას ან ცირკულაციურ კოლაფსს. ლეიკოციტების (WBC) დაბალი რაოდენობა შესაძლოა მიანიშნებდეს მძიმე ფორმის სეფსისის არსებობაზე. თუ აღინიშნება რბილი ქსოვილების გავრცობილი ინფექციური პროცესი, აუცილებელია ეჭვის მიტანა მანეკროზებელი ფასციიტის დიაგნოზზე.[2][3][4][5]
ნეკროზულ ფასციიტზე ეჭვის შემთხვევაში დაუყოვნებლივ უნდა მივმართოთ ქირურგიულ ჯგუფს, არ უნდა დაყოვნდეს ქირურგიული ჯგუფის ჩართულობა გამოკვლევის შედეგების დალოდების გამო.[2][5]ნეკროზული ფასციიტი კლინიკური დიაგნოზია. თუმცა გაურკვეველი მდგომარეობის დროს , გამოკვლევის შედეგები შეიძლება მნიშვნელოვანი იყოს დიაგნოზის დაზუსტებისათვის.[2]
შედეგი
ლეიკოციტების (WBC) პათოლოგიურად მაღალი ან დაბალი რაოდენობა მარცხნივ გადახრით, ან მის გარეშე (პოლიმორფონუკლეარული ლეიკოციტების და/ან უმწიფარი ფორმების მომატებული პროცენტული მაჩვენებელი)
სისხლის შრატში ელექტროლიტების შემცველობა
ტესტი
ჰიპონატრიემია არა-სპეციფიური ნიშანია, ის შესაძლოა ახლდეს ნებისმიერ სისტემურ ინფექციას ან ცირკულაციურ კოლაფსს. თუ აღინიშნება რბილი ქსოვილების გავრცობილი ინფექციური პროცესი, აუცილებელია ეჭვი მივიტანოთ ნეკროზული ფასციიტის დიაგნოზზე.[2][3][4][5]
ნეკროზულ ფასციიტზე ეჭვის შემთხვევაში დაუყოვნებლივ უნდა მივმართოთ ქირურგიულ ჯგუფს, არ უნდა დაყოვნდეს ქირურგიული ჯგუფის ჩართულობა გამოკვლევის შედეგების დალოდების გამო.[2][5]ნეკროზული ფასციიტი კლინიკური დიაგნოზია. თუმცა გაურკვეველი მდგომარეობის დროს , გამოკვლევის შედეგები შეიძლება მნიშვნელოვანი იყოს დიაგნოზის დაზუსტებისათვის.[2]
შედეგი
შესაძლებელია ნატრიუმის დონის დაქვეითება
შრატში შარდოვანა და კრეატინინი
ტესტი
წარმოადგენს არა-სპეციფიურ ნიშანს, რომელიც შესაძლოა ახლდეს სხვადასხვა სისტემურ ინფექციას ან ცირკულაციურ კოლაფსს. თუ აღინიშნება რბილი ქსოვილების გავრცობილი ინფექციური პროცესი, აუცილებლობას წარმოადგენს ეჭვის მიტანა მანეკროზებელი ფასციიტის არსებობის შესაძლებლობაზე.[2][3][4][5]
ნეკროზულ ფასციიტზე ეჭვის შემთხვევაში დაუყოვნებლივ უნდა მივმართოთ ქირურგიულ ჯგუფს, არ უნდა დაყოვნდეს ქირურგიული ჯგუფის ჩართულობა გამოკვლევის შედეგების დალოდების გამო.[2][5]ნეკროზული ფასციიტი კლინიკური დიაგნოზია. თუმცა გაურკვეველი მდგომარეობის დროს , გამოკვლევის შედეგები შეიძლება მნიშვნელოვანი იყოს დიაგნოზის დაზუსტებისათვის.[2]
შედეგი
შრატში შარდოვანა და კრეატინინი შეიძლება იყოს მომატებული
შრატის C-რეაქტიული ცილა
შრატში კრეატინკინაზა (CK)
შრატის ლაქტატი
მოკლე კოაგულოგრამა
ტესტი
კოაგულოგრამის ( PT, APTT და ფიბრინოგენი), კონტროლით შეიძლება განისაზღვროს კოაგულოპათიის არსებობა. რაც ასოცირებულია ცუდ პროგნოზთან.[45]
ნეკროზულ ფასციიტზე ეჭვის შემთხვევაში დაუყოვნებლივ უნდა მივმართოთ ქირურგიულ ჯგუფს, არ უნდა დაყოვნდეს ქირურგიული ჯგუფის ჩართულობა გამოკვლევის შედეგების დალოდების გამო.[2][3][4][5]ნეკროზული ფასციიტი კლინიკური დიაგნოზია. თუმცა გაურკვეველი მდგომარეობის დროს , გამოკვლევის შედეგები შეიძლება მნიშვნელოვანი იყოს დიაგნოზის დაზუსტებისათვის.[2]
შედეგი
შეიძლება გამოავლინოს კოაგულოპათია
არტერიული სისხლის აირები
ტესტი
სეფსისის ფონზე შეიძლება განვითარდეს აციდოზი. რესპირატორულ დარღვევებზე ეჭვის შემთხვევაში შეიძლება გაკეთდეს არტერიული სისხლის აირების კონტროლი
ხელს უწყობს პაციენტის რესპირატორული სტატუსის შეფასებას.
შედეგი
ანოქსემია, აციდოზი
გასათვალისწინებელი კვლევები
რადიოგრაფია, კომპიუტერული ტომოგრაფია/მაგნიტურ-რეზონანსული ტომოგრაფია, ულტრაბგერა
ტესტი
როდესაც, კლინიკურად საეჭვოა ნეკროზული ფასციიტის დიაგნოზი, რადიოლოგიური გამოკვლევების გამო არ უნდა დაყოვნდეს და გადავადდეს საჭირო ქირურგიული ჩარევა.[2][3][5]
იდეალურ შემთხვევეში საეჭვო ნეკროზული ფასციტის მქონე ყველა პაციენტისთვის მიზანშეწონილია მიმოხილვითი რენტგენოგრაფიის ან კომპიუტერული ტომოგრაფიის/მაგნიტურ რეზონანსული გამოსახვის (CT/MRI - თუ ხელმისაწვდომია) ჩატარება, თუკი არსებობს ამის კლინიკური ჩვენება[3][36]მიმოხილვითი რენტგენი, ადრეულ ეტაპზე ხშირად ნორმაშია, დაავადების პროგრესირებასთან ერთად შეიძლება გამოვლინდეს კანქვეშა აირები. რბილ ქსოვილებში აირების ვიზუალიზაცია შეიძლება მიუთითებდეს რბილი ქსოვილების პათოლოგიურ ცვლილებებზე დ ამყარებს ეჭვს დაგნოზზე..[1][2][16][36]თუმცა, უნდა გვახსოვდეს, რომ რბილ ქსოვილებში აირების ვიზუალიზაცია გვიანი ნიშანია და ჩვეულებრივი რენტგენოგრაფიული გამოკვლევის მგრძნობელობა ნეკროზული ინფექციის გამოსავლენად დაბალია.[15]
ულტრაბგერითი გამოკვლევა უპირატესია. ის შეიძლება ჩატარდეს უმოკლეს დროში ავადმყოფის საწოლთან და შეიძლება დაგვეხმაროს მარტივი ცელულიტის და ნეკროზული ფასციიტის დიფერენცირებაში.[2]ერთ-ერთი პროსპექტული კვლვის თანახმად, ულტრაბგერითი გამოკვლევით გამოვლენილ შედეგებს, როგორიცაა კანქვეშა ქსოვილის დიფუზური გასქელება , რომელსაც თან ახლავს 4 მმ-ზე მეტი სისქის სითხის დაგროვება, 88% მგრძნობელობა და 93% სპეციფიურობა ჰქონდათ.[37]
CT და MRI -ს აქვთ უფრო მაღალი მგრძნობელობა.[3][36]CT ,უპირატესად ,ნაჩვენებია მუცლის ღრუს , კისრის და სახის ინფექციების დროს, ინფექციის შეჭრის კერისა და ქირურგიული ჩარევის განსაზღვრის მიზნით. კიდურების ან პერიფერიული რბილი ქსოვილების ნეკროზული ინფექციის დიაგნოსტიკაში CT ნაკლებად მნიშვნელოვანია.[15][36] კიდურების რბილი ქსოვილების ნეკროზული ინფექციების შესაფასებლად უფრო მგრძნობიარეა MRI . შეიძლება ვიზუალიზდეს ფასციის გასქელება, ფასციალური სითხე ან შეშუპება თუმცა, ეს ნიშნები არ არის სპეციფიკური და შეიძლება გამოვლინდეს რბილი ქსოვილების სხვა ინფექციების დროსაც, მაგ. როგორიცაა ცელულიტი. გარდა ამისა,MRI -ის ჩატარების ორგანიზება შეიძლება რთული იყოს გადაუდებელ შემთხვევებში. ამდენად MRI არ ითვლება პირველი რიგის სადიაგნოსტიკო საშუალებად.[2][3][15][38][46]
რბილი ქსოვილების ნეკროზული ინფექციის დიაგნოსტიკის მეტა-ანალიზით გამოვლინდა: CT-ს მგრძნობელობა 88.5%, სპეციფიურობა 93.3 ; მარტივი რენტგენოგრაფიის მგრძნობელობა 48.9% ,სპეციფიურობა 94.0%.[39]
შედეგი
ფასციის გასწვრივ შეშუპება და/ან რბილ ქსოვილებში აირი
ახლად გაყინული პლაზმა.
ტესტი
თუ კლინიკურად ან რადიოლოგიურად, დიაგნოზი გაურკვეველია ახლად გაყინული პლაზმის რბილი ქსოვილის ბიოფსიით შეიძლება საბოლოო დიაგნოზის დადასტურება.[2] თუმცა, ბიოფსია გარკვეულ სირთულებთანაა დაკავშირებული. მოითხოვს მაღალკვალიფიციურ სპეციალისტს, ესაჭიროება დრო და არ არის ხელმისაწვდომი ყველა რეგიონში,მათ შორის დიდ ბრიტანეთშიც.,[2]
შედეგი
ბაქტერიული ინფექციის და ქსოვილის ნეკროზის მტკიცებულება.
ამ მასალის გამოყენება ექვემდებარება ჩვენს განცხადებას