ახალი ტიპის მკურნალობა

ფავიპირავირი

ფავიპირავირი (ადრე ცნობილი, როგორც T-705) სელექციურად ახდენს ვირუსული რნმ-დამოკიდებული რნმ პოლიმერაზას ინჰიბირებას. თავდაპირველად ეს მედიკამენტი შეიქმნა გრიპის მკურნალობის მიზნით, თუმცა მან გამოავლინა სხვა რნმ-ვირუსების საწინააღმდეგო აქტივობა, მათ შორის ფლავივირუსებისთვის, ბუნიავირუსებისთვის, ალფავირუსების, არენავირუსებისთვის და არენავირუსებისთვის ინ ვიტრო[30] და ცხოველების მოდელებში. ფავიპირავირმა ზღვის გოჭის მოდელებში გამოავლინა ეფექტურობა ახალი მსოფლიოს არენავირუსის, პიჩინდეს ვირუსის საწინააღმდეგოდ.[3] ის ასევე გამოკვლეულ იქნა ხუნინის ვირუსით დაავადებულ ზღვის გოჭის მოდელებში და გამოავლინა საიმედო შედეგები ინტრაპერიტონეულად მიღების დროს, გადარჩენის მაჩვენებლის გაუმჯობესებით (78%) რიბავირინთან შედარებით (33%-დან 40%-მდე).[31] ფავიპირავირი ჯერ არ გვხვდება ადამიანის კვლევებში არენავირუსებზე, თუმცა მან გამოავლინა, რომ არის უსაფრთხო ებოლას ვირუსის დაავადების მქონე პაციენტებში შეყვანის დროს, დაბალი ვირუსული დატვირთვების შემთხვევაში გადარჩენის მაჩვენებლის გაუმჯობესებით.[32] აღწერილია არგენტინული ჰემორაგიული ცხელების ერთი შემთხვევა, რომელსაც უმკურნალეს ფავიპირავირით და რიბავირინით.[33]

ალფაკონის ინტერფერონი-1/DEF201

ალფაკონის ინტერფერონი-1 არის ინტერფერონ ალფას ტექნოლოგია, რომელიც გამოიყენება ჰეპატიტის სამკურნალოდ რამდენიმე ქვეყანაში, სადაც ის ხელმისაწვდომია. დღეისათვის არენავირუსის კვლევისთვის განვითარებულმა, როგორც DEF201, მან გამოავლინა აქტიურობა ახალი მსოფლიოს არენავირუსის, პიჩინდეს ვირუსის საწინააღმდეგოდ ინ-ვიტრო და ცხოველის მოდელებში. ზაზუნას მოდელებში გადარჩენის მაჩვენებლები გაზრდილია, გაგრძელდა დრო სიკვდილამდე და შემცირდა ვირუსული ტიტრები. მას აღმოაჩნდა სინერგიული აქტივობა რიბავირინთან ერთად.[34][35][36]

ST-294

ამ მომენტისათვის მედიკამენტი შემუშავების პროცესშია. ST-294 არის მცირე ზომის მოლეკულა, რომელიც ხელს უშლის არენავირუსის გარსის გლიკოპროტეინებით გაშუალებულ მემბრანულ შერწყმას ენდოსომების შიგნით, რითაც ხდება ვირუსის უჯრედში შესვლის პრევენცია. მან გამოავლინა ანტივირუსული ეფექტურობა ტეკარიბეს (ახალი მსოფლიოს არენავირუსი) მქონე თაგვის სახეობებზე.[34][37][38] ამ მომენტისათვის კვლევებს გადიან მცირე მოლეკულები და სხვა პოტენციური ანტივირუსული წამლები, რომლებმაც საიმედო შედეგები გამოავლინეს ლასას ცხელების (ძველი სამყაროს არენავირუსი) მკურნალობის დროს და პოტენციური აქტიურობა ახასიათებთ ახალი მსოფლიოს არენავირუსებზე უჯრედების კვლევების დროს. ახალი სამყაროს არენავირუსებისთვის ამ პოტენციური მედიკამენტების კვლევა ჯერ არ ჩატარებულა ცხოველების მოდელებში და არცერთ პროდუქტს არ მიუღწევია კლინიკური კვლევებისთვის როგორც ძველი, ისე ახალი სამყაროს არენავირუსებისთვის.[34]

გაბაპენტინი

არსებობს მონაცემები, რომლებიც მიუთითებს, რომ ხუნინის ვირუსის უჯრედებში შესვლა შესაძლებელია დამოკიდებული იყოს იქნას პოტენციალ-დამოკიდებული კალციუმის არხის სუბერთეულებით.[39] ამ არხების ბლოკადამ გამოავლინა ხუნინის ვირუსის უჯრედებთან შერწყმის შემცირება და უჯრედებში შესვლის შეფერხება. გაბაპენტინი, რომელიც ჩვეულებრივ გამოიყენება ნეიროპათიური ტკივილების დროს, ბლოკავს პოტენციალზე დამოკიდებული კალციუმის არხის ალფა(2)დელტა სუბერთეულს. თაგვებზე ჩატარებულმა კვლევამ გამოავლინა, რომ გაბაპენტინს შეუძლია ხუნინის ვირუსის ინფექციის ინჰიბირება. კლინიკური კვლევები ჯერ არ ჩატარებულა.

მონოკლონური ანტისხეულები

ამჟამად მიმდინარეობს პროექტები ჰემორაგიული ცხელების სამკურნალოდ მონოკლონური ანტისხეულების შესაქმნელად . გამოვლენილია თერაპიული კანდიდატები მაჩუპოს ვირუსის და ხუნინის ვირუსის სამკურნალოდ (ეს ვირუსები იწვევენ, შესაბამისად, ბოლივიურ და არგენტინულ ჰემორაგიულ ცხელებებს).[3][40][41] ერთი კვლევის თანახმად, მონოკლონური ანტისხეულები 100% დაცვას უზრუნველყოფს, თუ თუ მათი გამოყენება ინფიცირებიდან 6 დღეში დაიწყო, ხოლო 7 დღის შემდეგ დაცვა 92%-იანია. ეს მონაცემები არგენტული ჰემორაგიული ცხელების ზღვის გოჭის მოდელებში დაფიქსირდა.[42] ებოლას ვირუსის დაავადებისთვის მონოკლონური ანტისხეულების თერაპიის სარგებლიდან გამომდინარე და წარსულში არგენტინული ჰემორაგიული ცხელებისთვის იმუნური პლაზმის გამოყენების გათვალისწინებით, ეს არის მიმართულება, რომელიც შესაძლოა პერსპექტიული აღმოჩნდეს, თუ მოხერხდება შესაბამისი დაავადებებისთვის პროდუქტის შემუშავება.[43]

ამ მასალის გამოყენება ექვემდებარება ჩვენს განცხადებას