მკურნალობის ალგორითმი
მიაქციეთ ყურადღება, რომ ფორმულა/შეყვანის გზა და დოზა შეიძლება განსხვავებული იყოს მედიკამენტების დასახელების და ბრენდის, ფორმულარის ან გეოგრაფიული ადგილმდებარეობის მიხედვით. მკურნალობის შესახებ რეკომენდაციები სპეციფიკურია პაციენტის ჯგუფების მიხედვით: იხილეთ გაფრთხილება
პერორალური ანტიბიოტიკოთერაპია
დამატებითი მკურნალობა, რომელიც რეკომენდებულია <strong>ზოგიერთი</strong> პაციენტისთვის შერჩეული ჯგუფიდან
თუ პაციენტს აღენიშნება მუცლის ტკივილი, ცხელება და ლეიკოციტოზი, ხოლო კტ სკანირებით გამოირიცხება გართულებები, ინიშნება პერორალური ანტიბიოტიკები და შესაძლებელია უსაფრთხოდ მკურნალობა ბინაზე.[60][61]
ანტიბიოტიკები, ჩვეულებრივ, 7-10 დღის განმავლობაში გამოიყენება.[59][62] ჯანდაცვისა და სამედიცინო დახმარების ეროვნული ინსტიტუტების რეკომენდაციაა ანტიბიოტიკების 5-დღიანი კურსი საწყის ეტაპზე, რომელიც კლინიკური შეფასების საფუძველზე შეიძლება გახანგრძლივდეს.[52]
თუ 72 საათში მდგომარეობა არ გაუმჯობესდება და/ან ცხელება და ლეიკოციტოზი რჩება, საჭიროა პაციენტის ჰოსპიტალიზაცია და ინტრავენური ანტიბიოტიკოთერაპია მდგომარეობის კლინიკურ გაუმჯობესებამდე.[59]
ზოგიერთი მკვლევარი ვარაუდობს, რომ დივერტიკულიტი შეიძლება იყოს ანთებითი და არა ინფექციური და ეჭვქვეშ აყენებს, არის თუ არა ყოველთვის საჭირო ანტიბიოტიკოთერაპია გაურთულებელი დივერტიკულიტის დროს. კვლევების მეტა-ანალიზმა, რომლითაც ანტიბიოტიკებით მკურნალობა ანტიბიოტიკების გარეშე მკურნალობას შედარდა, აჩვენა, რომ გაურთულებელი დივერტიკულიტის მკურნალობა და მონიტორინგი ანტიბიოტიკებით ან მის გარეშე უსაფრთხო და ეფექტურია და რომ ქირურგიული ჩარევის საჭიროების პირველადი შედეგის თვალსაზრისით ობზერვაციული მართვა ანტიბიოტიკოთერაპიისაგან სტატისტიკურად არ განსხვავდებოდა.[63][64][65] კვლევების სისტემურმა მიმოხილვამ, სადაც გაურთულებელი დივერტიკულიტის მქონე პაციენტებთან ანტიბიოტიკოთერაპია ანტიბიოტიკების გარეშე მკურნალობას შედარდა, უშედეგო მკურნალობის, გეგმიური ქირურგიული ჩარევის, რეციდივის და მკურნალობის შემდგომი გართულებების რისკის თვალსაზრისით განსხვავება არ გამოვლინდა.[66] კოხრეინის თანმიმდევრული მიმოხილვის შედეგებით, რომელიც 5 რანდომიზებული კლინიკური კვლევის ლიმიტირებულ მონაცემებს ეყრდობა, გაურთულებელი დივერტიკულიტის დროს გართულებებზე (ადრეულ და გრძელვადიანზე), გადაუდებელ ქირურგიულ ჩარევაზე, რეციდივზე და მსხვილი ნაწლავის გეგმიურ რეზექციაზე ანტიბიოტიკების ეფექტი გაურკევეველია.[67]
[ 
]
NICE-ის, ამერიკის გასტროენტეროლოგიური ასოციაციის, მსხვილი ნაწლავისა და რექტალური ქირურგიის ამერიკული საზოგადოების და გადაუდებელი ქირურგიის მსოფლიო საზოგადოების გაიდლაინები გვირჩევენ, რომ მწვავე გაურთულებელი დივერტიკულიტის მქონე სისტემურად კარგად მყოფ, სხვაგვარად ჯანმრთელ პაციენტებთან, ანტიბიოტიკები შერჩევითად უნდა იქნას გამოყენებული, ნაცვლად რუტინული გამოყენებისა.[43][45][46][50][52][68]
ანტიბიოტიკოთერაპია უნდა დაიწყოს მაღალი რისკის პაციენტებში, რომელთაც აღენიშნებათ სისტემური ავადმყოფობის ნიშნები, მნიშვნელოვანი თანმხლები დაავადებები ან იმუნოსუპრესია.[45][50][52]
მწვავე მარჯვენამხრივი კოლინჯის დივერტიკულიტის მართვა იმავე პრინციპებს მიჰყვება, რასაც მარცხენა მხრივი დაავადების მართვა.[50]
ამოქსიცილინი/კლავულანატი ასოცირდება მეტრონიდაზოლის და ფთორქინოლონის კომბინაციის მსგავს შედეგებთან (1 წლიანი რისკი სტაციონარში მიღებისთვის, გადაუდებელი ოპერაცია, C difficile ინფექცია და 3 წლიანი რისკი გეგმიური ოპერაციისთვის) და არის სასურველი არჩევანი ამბულატორიულ პირობებში, ფთორქინოლონთან დაკავშირებული საზიანო შედეგების გამო.[87]
ფტორქინოლონები, მაგ. ციპროფლოქსაცინი, დაკავშირებულია მძიმე, ქმედუუნარობის გამომწვევ და პოტენციურად შეუქცევად გვერდით მოვლენებთან, როგორიცაა ტენდინიტი, მყესის გაგლეჯა, ართრალგია, ნეიროპათიები და კუნთოვანი ან ნერვული სისტემის სხვა ეფექტები.[88] აშშ-ის სურსათისა და წამლის სააგენტომ (FDA) გამოსცა გაფრთხილებები აორტის აშრევების, მძიმე ჰიპოგლიკემიის და ფსიქიური ჯანმრთელობის მხრივ არასასურველი ეფექტების გაზრდილი რისკის თაობაზე იმ პაციენტებში, რომლებიც იღებენ ფთორქინოლონებს.[89][90]
აქ აღწერილია შესაბამისი ანტიბიოტიკოთერაპიის რეჟიმების მაგალითები. ანტიბიოტიკის არჩევანი შეიძლება განსხვავდებოდეს ქვეყნებს შორის; გაითვალისწინეთ ადგილობრივი გაიდლაინები.
პირველადი პარამეტრები
ამოქსიცილინ/კლავულანატი: 875 მგ პერორალურად (დაუყოვნებლივი გამოთავისუფლება) ყოველ 8-12 საათში 4-10 დღის განმავლობაში; 2000 მგ პერორალურად (გაფართოებული გამოთავისუფლებით) ყოველ 12 საათში 4-10 დღის განმავლობაში
მეტიმეორეული ვარიანტები
ციპროფლოქსაცინი: 500 მგ პერორალურად ყოველ 12 საათში ერთხელ, 7-10 დღის განმავლობაში
და
მეტრონიდაზოლი: 500 მგ პერორალურად ყოველ 8 საათში ერთხელ, 7-10 დღის განმავლობაში
გეგმიური ოპერაცია
განმეორებითი დაავადების შემთხვევაში გეგმიური კოლექტომიის რეკომენდაციის კრიტერიუმები მკაცრად განსაზღვრული არ არის და არ უნდა ეფუძნებოდეს მხოლოდ გადატანილი შეტევების რაოდენობას.[43] ნებისმიერი გადაწყვეტილება ინდივიდუალურად უნდა იქნას მიღებული ასაკის, მორეციდივე სიმპტომების სისხშირის და სიმწვავის, წინა გართულებების, თანმხლები დაავადებების და პაციენტის პრეფერენციებისა და ღირებულებების გათვალისწინებით.[43][45][80][81] დივერტიკულური აბსცესის მკურნალობისას გეგმიური რეზექცია უნდა განიხილებოდეს წარუმატებელი არაქირურგიული ჩარევის შემდეგ, ან პერსისტენტული სიმპტომების მქონე პაციენტებში ობსტრუქციის, სტრიქტურის ან ფისტულის გამო.[45][52] ექიმთა ამერიკული კოლეჯი რეკომენდაციას უწევს გეგმიური ქირურგიის განხილვას პაციენტებთან, რომლებსაც აქვთ ხშირად განმეორებადი (ანუ ≥3 ეპიზოდი 2 წლის განმავლობაში) ან პერსისტირებადი (ანუ, 3 თვეზე მეტად გახანგრძლივებული) დივერტიკულიტი. რეკომენდებულია ერთობლივი გადაწყვეტილების მიღება პაციენტის პრეფერენციების გათვალისწინებით.[47]
გეგმიურ პირობებში მხვილი ნაწლავის ლაპარასკოპული რეზექცია უსაფრთხოა, ახასიათებს სწრაფი გამოჯანმრთელება ოპერაციის შემდეგ და ნაკლები პოსტოპერაციული გართულებები, მათ შორის ქირურგიული ჭრილობის ინფიცირების კუთხით.[82][83][84]
პროფილაქტიკურად პერორალური ანტიბიოტიკების მიღება ქირურგიულ ჩარევამდე 1 დღით ადრე ამცირებს ქირურგიული არის დაინფიცირების ინციდენტობას, მექანიკურად ნაწლავის მომზადების გარეშე.[85]
მეზალამინი, პრობიოტიკები, ან რიფაქსიმინი მორეციდივე დივერტიკულიტის პრევენციისთვის რეკომენდებული არ არის.[43][47] მტკიცებულებები აჩვენებს, რომ მეზალამინი რეციდივის რისკს არ ამცირებს.[86]
[ ]
არ არსებობს საკმარისი მტკიცებულება რიფაქსიმინის, მეზალამინისა და რიფაქსიმინის კომბინაციის, ბალსალაზიდის (5-ამინოსალიცილის მჟავას წამლის წინა ფორმის) და პრობიოტიკების კომბინაციის, ან ბურდოკის ჩაის გამოყენების შესახებ.[47][86]
აირჩიეთ პაციენტების ჯგუფი ჩვენი რეკომენდაციების სანახავად
მიაქციეთ ყურადღება, რომ ფორმულაცია/შეყვანის გზა და დოზირება შეიძლება განსხვავებული იყოს მედიკამენტების დასახელების და ბრენდების, წამლების ფორმულარის ან გეოგრაფიული ადგილმდებარეობის მიხედვით. მკურნალობის შესახებ რეკომენდაციები სპეციფიკურია პაციენტის ჯგუფების მიხედვით. იხილეთ გაფრთხილება
ამ მასალის გამოყენება ექვემდებარება ჩვენს განცხადებას