ანამნეზი და გასინჯვა
ძირითადი დიაგნოსტიკური ფაქტორები
ხშირი
რისკ-ფაქტორების არსებობა
ძირითადი რისკ-ფაქტორები მოიცავს თვითდაზიანების ან ბოლოდროინდელი კონფლიქტის ისტორიას, ფსიქიკურ დაავადებას, ალკოჰოლზე ან ნარკოტიკებზე დამოკიდებულებას და პესტიციდებთან იოლ ხელმისაწვდომობას.
გაძლიერებული სეკრეცია
მძიმე ბრონქორეა, რომელიც შეიძლება გამოვლინდეს წარმოადგენს დიაგნოსტიკური ღირებულების მახასიათებლებს.
ასევე გვხვდება ნერწყვდენა და ცრემლდენა.
ფასციკულაციები
ფასციკულაციები ხშირია ადრეულ ეტაპებზე და დიაგნოსტიკური ღირებულებისაა. სიმპტომი, როგორც წესი, გამოიხატება პერიორბიტალურ, გულმკერდის ან ქვედა კიდურების კუნთებზე და არ რეაგირებს ატროპინის მიმართ.
წერტილოვანი გუგები
მძიმე შემთხვევებში სიმპტომი ფაქტობრივად უნივერსალურია ატროპინის გამოყენებამდე და არ რეაგირებს ნალოქსონზე (ოპიოიდის რეცეპტორის ანტაგონისტი, რომელიც გამოიყენება ოპიოიდების ზედოზირების სამკურნალოდ).
გამორჩეული სუნი
გამხსნელის გამორჩეული სუნი პაციენტს საკმაოდ ხშირად აღენიშნება.
ხიხინი გუმლკერდის არეში
გავრცელებული მსტვინავი სუნთქვა და ხიხინი მიუთითებენ ბრონქოსპაზმისა და ფილტვის შეშუპების არსებობაზე.
ნახევრად ცნობიერი/კომატოზური მდგომარეობა
ჰოსპიტალიზაციისას პაციენტი შესაძლოა ნახევრად ცნობიერ მდგომარეობაში იყოს; კომა მიუთითებს ცუდ პროგნოზზე.
სხვა დიაგნოსტიკური ფაქტორები
ხშირი
მხედველობის დარღვევები
პაციენტი შესაძლოა უჩიოდეს მხედველობის დაბინდვას.
პირღებინება
ორგანოფოსფატების ხშირი მუსკარინული სიმპტომებია გულისრევა და ღებინება.
გრიპისმაგვარი სინდრომი
მინიმალური ექსპოზიცია (მაგ. დერმალური) შესაძლოა გახდეს გრიპისმაგვარი სინდრომის გამომწვევი მიზეზი (მაგ. დაღლილობა, სურდო, თავის ტკვილი, თავბრუსხვევა, მადის გაქრობა, ოფლიანობა, დიარეა და კუნთების სისუსტე).
შარდის ან განავლის შეუკავებლობა
პაციენტმა შესაძლოა აღნიშნოს შეუკავებლობა. სიმპტომი შესაძლოა გამოვლინდეს ნახევრად ცნობიერ ან კონფუზირებულ პაციენტებში.
პროქსიმალური კუნთების სისუსტე
შესაძლოა განვითარდეს ადრეულ ეტაპებზე ან დანარჩენი ნიშნების კუპირების შემდგომ. არ პასუხობს ატროპინს.
მყესის ღრმა რეფლექსების დარღვევა
ხშირია დასაწყისში, იკლებს ან საერთოდ ქრება მოგვიანებით. არ პასუხობს ატროპინს.
გულისცემის პათოლოგიური სიხშირე
ვლინდება უკიდურესი ბრადიკარდია ან ტაქიკარდია
პათოლოგიური არტერიული წნევა
შეიძლება განვითარდეს ჰიპერტენზია. რეფრაქტორული ჰიპოტენზია გაცილებით უფრო საგანგაშო ნიშანია და ცუდ პროგნოზზე მიუთითებს.
სუნთქვის დათრგუნვა
ჟანგბადით გაჯერება, როგორც წესი, დაბალია. სუნთქვის უკმარისობა უფრო ხშირია მძიმე მოწამვლის შემთხვევაში.
ჰიპოთერმია
ჰოსპიტალიზაციისას ხშირად გამოხატულია მსუბუქი ან საშუალო სიმძიმის ჰიპოთერმია, თუ პაციენტს არ მიეწოდა ატროპინი.
იშვიათი
გულყრები
გულყრები ხშირდება მძიმე მოწამვლისას.
იშვიათია ცენტრალური და პერიფერიული ნერვული სისტემის (მეტწილად მოტორული) გვიანი ნეიროპათია
ვლინდება 1-5 კვირაში. ნეიროპათია შესაძლოა იყოს მძიმე და გამოიწვიოს მუდმივი ქმედუუნარობა. მას შესაძლოა თან ახლდეს ზედა მოტორული ნეირონების დაავადების ნიშნები.
რისკფაქტორები
ძლიერი
პესტიციდის ხელმისაწვდომობა
წარმოადგენს მთავარ ფაქტორს იმ სიხშირის განსაზღვრაში, რომელიც ასახავს პესტიციდებით მწვავე მოწამვლის ფატალურ თუ არაფატალურ შემთხვევებს არაერთ ქვეყანაში.[4]
ანამნეზში თვითდაზიანება ან პიროვნული კონფლიქტის არსებობა
ფსიქიკური აშლილობა
ამ მასალის გამოყენება ექვემდებარება ჩვენს განცხადებას