ეტიოლოგია
დაზიანებები molluscum contagiosum (MCV)-ის ვირუსის გამო ვითარდება, რომელიც შემოგარსული, დიდი ზომის დნმ ვირუსია პოქსვირუსების ოჯახიდან.
MCV კლასიფიცირდება ორ ძირითად გენოტიპად: 1 და 2 (რომელთაგან თითოეული მოიცავს რამდენიმე ვარიანტს). მათი შედარებითი სიმრავლე გეოგრაფიულად განსხვავდება, თუმცა ქვეტიპი 1 ყველაზე გავრცელებულია გლობალურად. კლინიკურად, სხვადასხვა ქვეტიპებით გამოწვეული ინფექცია განურჩეველია, მაგრამ MCV 2 ქვეტიპის ინფექცია უფრო ხშირად აღწერილია მოზრდილებში, სასქესო ორგანოების დაზიანებების მქონე და აივ ინფექციის მქონე ადამიანებში.[12][13]
MCV (ქვეტიპის განურჩევლად) აინფიცირებს კერატინოციტებს და ლორწოვანს და იწვევს პაპულურ დაზიანებებს. პრიმატებიც ისევე ინფიცირდებიან აღნიშული ვირუსით, როგორც ადამიანები.[1]
პათოფიზიოლოგია
MCV აინფიცირებს კანს, რის შედეგადაც კანზე ვითარდება ზედაპირული დაზიანებები, რამდენიმე დღიდან 6 კვირამდე პერიოდში. ვირუსი კერატინოციტების ზრდის დარღვევას იწვევს, რაც ჰემატოქსილინით და ეოზინით შეღებვისას ჩანს, როგორც მუქად შეღებილი უჯრედები. აღნიშული პათოლოგიური კერატონიცოტიბი ჰენდერსონ-პეტერსონის სხეულაკებს წარმოადგენენ.
დარღვეული უჯრედული ზრდის მიუხედავად, MCV არ იწვევს დისპლაზიურ დაზიანებებს. დაზიანებების ხანგრძლივობა ცვალებადია, მაგრამ უმეტეს შემთხვევაში, ისინი თვითშეზღუდულია 6-დან 9 თვემდე პერიოდში. თუმცა, დაზიანებები შეიძლება გაგრძელდეს 2 -დან 4 წლამდე იმუნოკომპეტენტურ პირებში, ხოლო იმუნოკომპრომისულ პაციენტებში კიდევ უფრო მეტხანს. გამონაყარის ალაგება ანტი-molluscum ანტისხეულების ფორმირებასა და უჯრედულ უმუნურ რეაქციებს საჭიროებს.
MCV აკოდირებს რამდენიმე ვირულენტურ ფაქტორს, რომლებიც ხელს უშლის ბუნებრივად მიმდინარე იმუნური პროცესების მიერ დაზიანებული ადგილების ეფექტურ ალაგებას.[1] MCV აგრეთვე აკოდირებს გლუტათიონ პეროქსიდაზას, რომელიც ინფიცირებულ უჯრედებს პეროქსიდებით განპირობებული ოქსიდაციური დაზიანებისაგან იცავს.
გადაცემა/ტრანსმისია
გადაცემა მეტწილად ხდება პირდაპირი ფიზიკური კონტაქტით. გადაცემა დაფიქსირდა ზოგიერთ კონტაქტურ სპორტში, ასევე საცურაო აუზებში, პირსახოცებისა და ღრუბლების გაზიარებით.[14][15]
ზრდასრულებში გავრცელების ყველაზე ხშირი გზა კანით კანზე კონტაქტია სქესობრივი აქტის დროს.[5]
კლასიფიკაცია
Molluscum-ის დამახასიათებელი დაზიანებების კლასიფიკაცია
კონტაგიოზური მოლუსკი
დამახასიათებელი მარგალიტის მსგავსი, ცენტრალური ჩანაჭდევის მქონე პაპულები ბავშვებში, როგორც წესი, გულმკერდსა და იღლიაში ვითარდება, ზრდასრულებში კი საზარდულისა და თეძოს მედიალური ნაწილის რეგიონში.
გიგანტული molluscum
დაზიანებები ძირითადად გლუვი პაპულების ან კვაძების სახით ვლინდება, ცენტრალური ჩანაჭდევის გარეშე და მოიცავს დუნდულოს შორის რეგიონს ან ფეხის გულს.
ანთებით მიმდინარე molluscum
მოცემული დაზიანებები ხასიათდება ერითემით, შესიებითა და ქავილით, რომლებიც ინფექციისადმი იმუნური საპასუხო რეაქციის მარკერს წარმოადგენენ.
ამ მასალის გამოყენება ექვემდებარება ჩვენს განცხადებას