ეპიდემიოლოგია

ბავშვებში სეფსისის შესახებ გლობალური მონაცემები არასრულია, თუმცა, შეფასებულია, რომ 5 წელზე ნაკლები ასაკის ბავშვებში სიკვდილის შემთხვევების უმეტესობის მიზეზს ინფექცია წარმოადგენს.[4] სეფსისით დაავადებული ბავშვების სიკვდილობა 4%-50%-ში მერყეობს დაავადების სიმძიმის, რისკ-ფაქტორებისა და გეოგრაფიული მდებარეობიდან გამომდინარე.[5] ჯანმრთელობის მსოფლიო ორგანიზაციამ განაცხადა, რომ 2017 წელს 5 წლამდე ასაკის ბავშვებში სიკვდილის წამყვანი მიზეზები იყო: ნაადრევი მშობიარობის გართულებები, მწვავე რესპირატორული ინფექციები, ინტრანატალური გართულებები, დიარეა და თანდაყოლილი პათოლოგიები.[4] პოსტნეონატალურ 5 წლამდე ასაკის ბავშვებში, სიკვდილის ძირითადი მიზეზები იყო მწვავე რესპირატორული ინფექციები და დიარეა.[4]

,,დაავადებათა გლობალური ტვირთის" კვლევის შეფასებით, 2017 წელს, მსოფლიოში იყო 20.3 მილიონი (95% უზუსტობი ინტერვალი [UI] 14.0-დან 29.7-მდე) სეფსისის შემთხვევა 5 წლამდე ასაკის ბავშვებში და 4.9 მილიონი (3.5-დან 7.0-მდე) სეფსისის შემთხვევა 5-19 წლის ბავშვებსა და მოზარდებში.[11] ორმა დიდმა კოჰორტულმა კვლევამ აღწერა მძიმე სეფსისის ყოველწლიური ინციდენტობა ბავშვებში (განსაზღვრულია როგორც <20 წლის ასაკის), რომელთა ჰოსპიტალიზაციაც მოხდა მწვავე მდგომარეობით აშშ-ის შვიდი შტატის კლინიკებში.[12][13] ამ კვლევებმა აჩვენა მძიმე სეფსისის მზარდი ყოველწლიური ინციდენტობა 1995-2005 წლებში (0,56-0,89 შემთხვევა/1000 ბავშვი [წლების მიხედვით], ყველა ასაკობრივ ჯგუფში).[13] კოჰორტაში მძიმე ფორმის სეფსისის ინციდენტობა შესამჩნევად უფრო მაღალი იყო უმცროს ასაკობრივ ჯგუფში (ავადობის მაჩვენებელი ახალშობილებსა და <1 წლის ჩვილებში იყო 9.7 და 2.25 შემთხვევა/1000 ბავშვიდან, 0.23- 0.52 1-19 წლის ასაკობრივ ჯგუფთან შედარებით). მძიმე ფორმის სეფსისი აგრეთვე უფრო გავრცელებული იყო ბავშვებში,რომელთაც ჰქონდათ სხვა თანმხლები დაავადებები. მძიმე ფორმის სეფსისის ინსიდენსის ზრდის მიუხედავად, სიკვდილობის სიხშირემ დაიკლო 10.3%დან - 8.9%მდე.[13]

ერთ-ერთი სისტემური მიმოხილვის შეფასებით, ყოველწლიურად სეფსისის გლობალური ტვირთი ბავშვებში შეადგენდა 1.2 მილიონ შემთხვევას.[14] გამოქვეყნებული კვლევები აგრეთვე აღწერს მძიმე სეფსისის პრვალენტობას პედიატრიულ ინტენსიური თერაპიის განყოფილებებში (ICU) მოთავსებულ პაციენტებს შორის. ერთმა დიდმა, მრავალცენტრულმა კოჰორტულმა კვლევამ, რომელმაც გამოიყენა მონაცემები აშშ-ს 42 ინტენსიური თერაპიის განყოფილებიდან, აჩვენა, რომ მძიმე სეფსისის პრევალენტობა ჰოსპიტალიზაციის შემთხვევების 7.7%. ეს შეესაბამება აშშ-ს სხვა ეპიდემიოლოგიურ მონაცემებს და ადასტურებს მძიმე სეფსისის მზარდ პრევალენტობას სიკვდილიანობის რისკის შემცირებით.[15] მძიმე სეფსისის პრევალენტობის დიდი საერთაშორისო კვლევამ (სეფსისის პრევალენტობა, შედეგები და თერაპია [SPROUT]) აჩვენა, რომ მძიმე სეფსისის გლობალური გავრცელება პედიატრიულ ინტენსიური მოვლის განყოფილებაში იყო 8.2% (95% სარწმუნოების ინტერვალი [CI] 7.6% - 8.9%).[16] თუმცა, სავარაუდოდ, ბავშვებში სეფსისის ჭეშმარიტი ინციდენტობა მნიშვნელოვნად დაქვეითებულად არის შეფასებული საავადმყოფოში ინფექციების არასრულფასოვანი აღრიცხვიანობ/რაპორტირებისა და კლინიკური კოდირების გამო.[17]

ამ მასალის გამოყენება ექვემდებარება ჩვენს განცხადებას