დიფერენციული დიაგნოზები
პარაგრიპი
ნიშნები / სიმპტომები
როგორც წესი, იწვევს მწვავე რესპირატორულ ინფექციას ცხელებით, სურდოთი, ფარინგიტითა და ხველით. შესაძლებელია განვითარდეს პნევმონია. ყბაყურასთან შედარებით ნაკლებად იწვევს პაროტიტს.
კვლევები
დიაგნოსტიკურია სეროლოგიური ტესტირება ან ვირუსის კულტივირება.
კოქსაკივირუსი
ნიშნები / სიმპტომები
ხშირად იწვევს მტევნის, ტერფისა და პირის დაავადებას, ასევე ჰერპანგინას (ავადმყოფობა, რომელიც ხასიათდება პირხახის უკანა სტრუქტურების წყლულოვანი დაზიანებებით). შეიძლება აღინიშნოს ჰემორაგიული კონიუნქტივიტი. უფრო მძიმე გართულებებია მიოკარდიტი, პერიკარდიტი და ენცეფალიტი. ნაკლებად სავარაუდოა, რომ ყბაყურა იწვევს პაროტიტს ეპიდემიური მასშტაბით.
კვლევები
დიაგნოსტიკურია სეროლოგიური ტესტირება ან ვირუსის კულტივირება.
მწვავე აივ ინფექცია
ნიშნები / სიმპტომები
შეიძლება გამოიწვიოს მწვავე ავადმყოფობა ცხელებით, შეუძლოდ ყოფნით, ლიმფადენოპათიითა და მაკულოპაპულური გამონაყრით.
კვლევები
დადებითია შრატში აივ ტესტი.
ებშტეინ ბარის ვირუსი
ნიშნები / სიმპტომები
იწვევს ინფექციურ მონონუკლეოზს, ახასიათებს ცხელება, ყელის ტკივილი, ლიმფადენოპათია და ატიპური ლიმფოციტოზი. ებშტეინ-ბარის ვირუსი ასევე ასოცირებულია ადამიანის რამდენიმე სიმსივნესთან, მათ შორისაა ბურკიტის ლიმფომა, ჰოჯკინის დაავადება და B-უჯრედული ლიმფომა.
კვლევები
დადებითია ჰეტეროფილური ანტისხეულები.
A გრიპის ვირუსი
ნიშნები / სიმპტომები
სწრაფად ვლინდება თავის ტკივილი, ცხელება, შეციება, მიალგია და შეუძლოდ ყოფნა; პარალელურად აღინიშნება სასუნთქი გზების ნიშნები. გრიპს ახასიათებს სეზონურობა; ყველაზე ხშირია ზამთრის თვეებში.
კვლევები
ვირუსის გამოყოფა ხახის ნაცხებიდან, ცხვირხახის სითხიდან ან ნახველიდან.
მწვავე ჩირქოვანი პაროტიტი
ნიშნები / სიმპტომები
ყბაყურა ჯირკვლის მწვავე ბაქტერიულ ინფექციას ყველაზე ხშირად იწვევს Staphylococcus aureus.
კვლევები
ულტრაბგერის მონაცემები შეესაბამება აბსცესს. S aureus-ს კულტურა სადინრის გამოსავლის ასპირატიდან.
შეგრენის სინდრომი
ნიშნები / სიმპტომები
სანერწყვე ჯირკვლების ქრონიკული ანთება. ასევე იწვევს თვალების, პირის ღრუს, ცხვირის, საშოსა და კანის ძლიერ გამოშრობას.
კვლევები
დადებითია სისხლის რევმატოლოგიური ფაქტორები, როგორიიცაა ანტიბირთვული ანტისხეული (ANA), შოგრენის სინდრომის (SS)-A, SS-B ანტისხეულები, რევმატოიდული ფაქტორი.
ყბაყურა ჯირკვლის სადინრის ობსტრუქცია
ნიშნები / სიმპტომები
ყბაყურა ჯირკვლიდან ნერწყვის გადინების ობსტრუქცია, იწვევს ტკივილსა და ანთებას. შეიძლება გამოიწვიოს სხვადასხვა მდგომარეობამ, როგორიცაა კენჭების დაგროვება და სიმსივნეები.
კვლევები
კენჭების აღმოსაჩენად შეიძლება დაგვეხმაროს რენტგენოგრაფია.
2019 წლის კორონავირუსით გამოწვეული დაავადება (COVID-19)
ნიშნები / სიმპტომები
სიმპტომების გამოვლენამდე 14 დღით ადრე ცხოვრება/მოგზაურობა ქვეყანაში/რეგიონებში ან ტერიტორიაზე, სადაც ადგილი აქვს შიდა გავრცელებას, ან ახლო კონტაქტი COVID-19-ის დადასტურებულ ან სავარაუდო შემთხვევასთან.
კვლევები
რეალურ დროში რევერს ტრანსკრიპტაზას პოლიმერაზული ჯაჭვური რეაქცია (RT-PCR): დადებითია კორონავირუს 2-ით (SARS-CoV-2) RNA გამოწვეულ მძიმე მწვავე რესპირატორულ სინდრომზე.
ამ მასალის გამოყენება ექვემდებარება ჩვენს განცხადებას