მტევნის, ტერფისა და პირის დაავადება

შემთხვევის ანამნეზი

5 წლის ბიჭი კლინიკაში მიიღეს შეუძლოდ ყოფნის 3-დღიანი ანამნეზითა და მსუბუქი ცხელებით. ბოლო 24 საათის განმავლობაში, იგი უჩივის მტკივნეულ პირის ღრუს და აღინიშნება ვეზიკულები მტევნებსა და ტერფებზე. ამ ავადმყოფობამდე, ბიჭი თავს კარგად გრძნობდა. სხვა სიმპტომები არ აღინიშნება. ოჯახის დანარჩენი წევრები კარგად გრძნობენ თავს. გასინჯვისას, პაციენტს აღენიშნება ცხელება- 37.6°C (99.6°F) და რამდენიმე მცირე ზომის წყლული პირის ღრუში, ასევე მცირე ზომის ოვალური ვეზიკულები ხელისგულებზე, ერითემული ფუძით.

სხვა გამოვლინებები

გამოვლინება შესაძლებელია მხოლოდ პირის ღრუს წყლულებით, ცხელების გარეშე. სხვა შესაძლო სიმპტომებია: მუცლის ტკივილი და დიარეა, ზედა სასუნთქი გზების სიმპტომები, როგორიცაა ყელის ტკივილი და ხველა, თავის ტკივილი, უმადობა, ართრალგიები და გაღიზიანებადობა.

აღმოსავლეთ და სამხრეთ-აღმოსავლეთ აზიის ქვეყნებში, როგორიცაა ტაივანი და მალაიზია, ენტეროვირუსი 71 (EV71) იწვევს დაავადების უფრო მძიმე ფორმას შემდეგი გართულებებით: ასეპტიკური მენინგიტი, ენცეფალიტი, ენცეფალომიელიტი, ფილტვის შეშუპება, ფილტვის ჰემორაგია, მიოკარდიტი და პოლიომიელიტის მსგავსი სინდრომი. ზოგიერთ შემთხვევაში ფიქსირდება სიკვდილი (8%-ში ეპიდაფეთქების დროს).[4]Chang LY, King CC, Hsu KH, et al. Risk factors of enterovirus 71 infection and associated hand, foot, and mouth disease/herpangina in children during an epidemic in Taiwan. Pediatrics. 2002;109:e88. http://www.ncbi.nlm.nih.gov/pubmed/12042582?tool=bestpractice.com [5]Ishimaru Y, Nakano S, Yamaoka K, et al. Outbreaks of hand, foot, and mouth disease by enterovirus 71. High incidence of complication disorders of central nervous system. Arch Dis Child. 1980;55:583-588. http://www.ncbi.nlm.nih.gov/pmc/articles/PMC1627055/pdf/archdisch00778-0009.pdf http://www.ncbi.nlm.nih.gov/pubmed/6254449?tool=bestpractice.com [7]Chang LY, Tsao KC, Hsia SH, et al. Transmission and clinical features of enterovirus 71 infections in household contacts in Taiwan. JAMA. 2004;291:222-227. http://jama.ama-assn.org/cgi/content/full/291/2/222 http://www.ncbi.nlm.nih.gov/pubmed/14722149?tool=bestpractice.com [8]Chang LY, Huang LM, Gau SS, et al. Neurodevelopment and cognition in children after enterovirus 71 infection. N Engl J Med. 2007;356:1226-1234. http://www.nejm.org/doi/full/10.1056/NEJMoa065954#t=article http://www.ncbi.nlm.nih.gov/pubmed/17377160?tool=bestpractice.com [9]Chang LY, Lin TY, Huang YC, et al. Comparison of enterovirus 71 and coxsackie-virus A16 clinical illnesses during the Taiwan enterovirus epidemic, 1998. Pediatr Infect Dis J. 1999;18:1092-1096. http://www.ncbi.nlm.nih.gov/pubmed/10608631?tool=bestpractice.com [10]Lee TC, Guo HR, Su HJ, et al. Diseases caused by enterovirus 71 infection. Pediatr Infect Dis J. 2009;28:904-910. http://www.ncbi.nlm.nih.gov/pubmed/20118685?tool=bestpractice.com პაციენტების სიმპტომები შეიძლება გამოწვეული იყოს ამ გართულებებით, მაგრამ ინფექცია EV71 ვირუსით იშვიათია აშშ-სა და ევროპაში.