ჰერპეს B ვირუსული ინფექცია

თუ ფიქსირდება პოტენციური ექსპოზიცია B ვირუსზე, თავდაპირველი ნაბიჯები მიზნად უნდა ისახავდეს ექსპოზიციის ინფექციამდე პროგრესირების პრევენციას. შესაბამისად, პირველი, კრიტიკული ნაბიჯია ექსპოზირებული არის დაუყოვნებლივი, საფუძვლიანი გაწმენდა. არე უნდა გაიწმინდოს სამედიცინო შეფასებისას მიუხედავად იმისა, გაწმინდეს თუ არა იგი მანამდეც. ექსპოზირებული არეალი გულდასმით უნდა მოიბანოს და ფრთხილად გაიხეხოს საპონით, პოვიდონ-იოდინით ან სარეცხი საშუალებით 15 წუთის განმავლობაში, შემდეგ კი ჭრილობა უნდა გაჩერდეს გამდინარე წყლის ქვეშ 15-20 წუთით.[42]Centers for Disease Control and Prevention. B virus (herpes B, monkey B virus, herpesvirus simiae, and herpesvirus B): first aid and treatment. Jan 2019 [internet publication]. https://www.cdc.gov/herpesbvirus/firstaid-treatment.html ლორწოვანი ექსპოზირებული არეები (ცხვირი, თვალები, პირი) უნდა გამოირეცხოს სტერილური ფიზიოლოგიური ხსნარით ან წყლით 15 წუთის განმავლობაში.

გაწმენდილი არე უნდა შეფასდეს მესამე პირის მიერ, დაბანის ადეკვატურობის დასადგენად. პროცედურა საჭიროებისამებრ უნდა განმეორდეს. უნდა აღიწეროს დაზიანების თარიღი, დრო, მდებარეობა, ბუნება და სითხის ან ქსოვილის ექსპოზიციის ტიპი. ექსპოზიციის შემდგომი პირველი რამდენიმე წუთი ითვლება კრიტიკულ პერიოდად დაინფიცირების რისკის შემცირების კუთხით.

მკურნალობა, რომელიც რეკომენდებულია <strong>ყველა</strong> პაციენტისთვის შერჩეულ ჯგუფში

ინფექციის კონტროლი კრიტიკულ ფაქტორს წარმოადგენს B ვირუსის სავარაუდო ექსპოზიციის მქონე ნებისმიერ პაციენტში. ნებისმიერი ადამიანი, რომელიც მკურნალობს ან კონტაქტშია სავარაუდოდ დაინიფიცირებულ პაციენტთან, უნდა იცავდეს სისხლისა და ბიოლოგიური სითხეების უსაფრთხოების სტანდარტულ ზომებს.[53]United States Department of Labour, Occupational Safety and Health Administration. Bloodborne pathogens. 1992 [internet publication]. https://www.osha.gov/pls/oshaweb/owadisp.show_document?p_table=STANDARDS&p_id=10051 დამატებითი ინსტრუქციისათვის საჭიროა ინფექციური კონტროლის პრაქტიკოსებთან კონსულტაცია.

ინფექციის კონტროლის ზომები უნდა მიიღებოდეს მიუხედავად იმისა, იმყოფება თუ არა პაციენტი ანტივირუსულ თერაპიაზე. B ვირუსის არსებობა დადასტურდა იმ პაციენტების კანის დაზიანებებსა და ლოყის ლორწოვანში, რომლებიც აქტიურად იღებდნენ მაღალი დოზის ინტრავენურ აციკლოვირს.[34]Davenport DS, Johnson DR, Holmes GP, et al. Diagnosis and management of human B virus (Herpesvirus simiae) infections in Michigan. Clin Infect Dis. 1994 Jul;19(1):33-41. http://www.ncbi.nlm.nih.gov/pubmed/7948555?tool=bestpractice.com

მკურნალობა, რომელიც რეკომენდებულია <strong>ყველა</strong> პაციენტისთვის შერჩეულ ჯგუფში

შესაძლებელია ექსპოზიციის შემდგომი პროფილაქტიკის (PEP) დანიშვნა იმ შემთხვევაში, თუ სავარაუდოა B ვირუსზე ექსპოზიცია ანამნეზით ან ფიზიკალური გამოკვლევით და პაციენტი გამოცხადდა ექიმთან ექსპოზიციიდან 5 დღის განმავლობაში. არ არის რეკომენდებული იმ პაციენტებში, რომლებიც გამოცხადდნენ სამედიცინო შემოწმებაზე პოტენციური ექსპოზიციის შემდგომ 5 დღეზე მეტ პერიოდში.

რეკომენდებული პირველი რიგის ანტივირუსული პრეპარატი არის მაღალი დოზის პერორალური ვალაციკლოვირი. ალტერნატიულია მაღალი დოზის პერორალური აციკლოვირი.[4]Cohen JI, Davenport DS, Stewart JA, et al. Recommendations for prevention of and therapy for exposure to B virus (cercopithecine herpesvirus 1). Clin Infect Dis. 2002 Nov 15;35(10):1191-203. https://academic.oup.com/cid/article/35/10/1191/296729/Recommendations-for-Prevention-of-and-Therapy-for http://www.ncbi.nlm.nih.gov/pubmed/12410479?tool=bestpractice.com

ყველა პაციენტი, რომელთაც აღენიშნათ B ვირუსზე ექსპოზიცია, უნდა იმყოფებოდეს დაკვირვების ქვეშ სეროლოგიური ტიტრების ცვლილებებისა და B ვირუსთან ასოცირებული კლინიკური ნიშნებისა და სიმპტომების განვითარების გამოვლენის მიზნით. პაციენტები, რომლებიც ექსპოზიციიდან 5 დღეზე მეტი დროის შემდეგ გამოცხადდებიან, ექვემდებარებიან მხოლოდ დაკვირვებას.

PEP უნდა დაიწყოს ინფექციის დადასტურების მიზნით მიმდინარე დიაგნოსტიკური ტესტირებების პარალელურად. პროფილაქტიკა უნდა გაგრძელდეს 14 დღეს ან მანამ, სანამ B ვირუსი გამოირიცხება.

ორსულობის ტესტი უნდა ჩატარდეს რეპროდუქციული ასაკის ქალებში, სავარაუდო B ვირუსის ექსპოზიციის შემთხვევაში, რათა შესაბამისად შეირჩეს ანტივირუსული მედიკამენტები. საკმაოდ ვრცელი კლინიკური გამოცდილება მიუთითებს აციკლოვირის ფარდობით უსაფრთხოებაზე ორსულებში. ორსული ქალების იმ პოპულაციაში, რომელთაც მიიღეს აციკლოვირი ორსულობის დროს, არ აღნიშნულა თანდაყოლილი ანომალიების გახშირება. თუმცა, შემთხვევების რაოდენობა მწირია და არ აქვს საკმარისი სტატისტიკური ძალა დაბალი სიხშირის გევრდითი მოვლენების გამოსავლენად.[54]Spangler JG, Kirk JK, Knudson MP. Uses and safety of acyclovir in pregnancy. J Fam Pract. 1994 Feb;38(2):186-91. http://www.ncbi.nlm.nih.gov/pubmed/8308511?tool=bestpractice.com [55]Shrim A, Koren G, Yudin MH, et al. Management of varicella infection (chickenpox) in pregnancy. J Obstet Gynaecol Can. 2012 Mar;34(3):287-92. http://www.ncbi.nlm.nih.gov/pubmed/22385673?tool=bestpractice.com [56]Anzivino E, Fioriti D, Mischitelli M, et al. Herpes simplex virus infection in pregnancy and in neonate: status of art of epidemiology, diagnosis, therapy and prevention. Virol J. 2009 Apr 6;6:40. https://virologyj.biomedcentral.com/articles/10.1186/1743-422X-6-40 http://www.ncbi.nlm.nih.gov/pubmed/19348670?tool=bestpractice.com

ბავშვებში B ვირუსზე ექსპოზირების შემთხვევებში, შესაძლებელია პერორალური ვალაციკლოვირის გამოყენება პროფილაქტიკის მიზნით, რადგან ეს მედიკამენტი გამოიყენება ვარიცელას ინფექციის სამკურნალოდ 2-18 წლამდე ბავშვებში. მეტიც, ვალაციკლოვირის პერორალური სუსპენზიის ფარმაკოკინეტიკისა და უსაფრთხოების კვლევებში დადასტურდა, რომ იგი ხასიათდება კარგი ამტანობით და უსაფრთხოებით 3 თვის ან მეტი ასაკის ბავშვებში.[57]Kimberlin DW, Jacobs RF, Weller S, et al. Pharmacokinetics and safety of extemporaneously compounded valacyclovir oral suspension in pediatric patients from 1 month through 11 years of age. Clin Infect Dis. 2010 Jan 15;50(2):221-8. https://academic.oup.com/cid/article/50/2/221/329540/Pharmacokinetics-and-Safety-of-Extemporaneously http://www.ncbi.nlm.nih.gov/pubmed/20014952?tool=bestpractice.com არ არსებობს სპეციფიკური რეკომენდაცია B ვირუსის ექსპოზიციის მკურნალობის შესახებ ბავშვებში; ამიტომ, საჭიროა ინფექციონისტის ჩართვა მოზრდილთა არსებული გაიდლაინების ადაპტირების მიზნით და პრეპარატის დოზირების შესარჩევად.

მკურნალობა, რომელიც რეკომენდებულია <strong>ყველა</strong> პაციენტისთვის შერჩეულ ჯგუფში

მაიმუნების ნაკბენის ან ნაკაწრის შედეგად შესაძლოა განვითარდეს კოინფექცია ტეტანუსით, ცოფით ან ბაქტერიით.

ჩატარებული ვაქცინების ისტორიის მიმოხილვა შესაძლოა საჭირო იყოს დამატებითი ვაქცინაციის განსასაზღვრად.

შესაძლებელია დაინიშნოს ნაკბენების ანტიბაქტერიული მკურნალობა. ანტიბიოტიკების, ცოფის ვაქცინის ან ცოფის იმუნოგლობულინის პროფილაქტიკური გამოყენება ასევე შესაძლოა განიხილებოდეს. ეს დამოკიდებულია ექსპოზიციის გამომწვევ მიზეზზე, სიმძიმეზე და სხვა ინფექციური დაავადებების განვითარების რისკზე.

თუ ცხოველი, რომელიც პასუხისმგებელია ექსპოზიციაზე, გამოიყენებოდა კვლევაში, შესაძლოა კლინიკურად მნიშვნელოვანი იყოს იმის გარკვევა, თუ რომელი სპეციფიკური ინფექციები გვხვდებოდა ამ კვლევის ისტორიაში (მაგ.: მაიმუნის იმუნოდეფიციტური ვირუსი [SIV], HIV).