რევმატოიდური ართრიტი

აუცილებელია დაავადების აქტივობისა და პაციენტის მიერ გამოყენებული მრავალი მედიკამენტით გამოწვეული გვერდითი მოვლენების საგულდაგულო მონიტორინგი.

ლაბორატორიული მონიტორინგი

დაავადების მამოდიფიცირებელი ანტირევმატული მედიკამენტებით (DMARD) მკურნალობის დაწყებამდე უნდა ჩატარდეს ტესტირება B და C ჰეპატიტებზე, ტუბერკულინის კანის სინჯი (PPD), სისხლის საერთო ანალიზი (FBC) და ღვიძლის ფუნქციური ტესტები (LFT). მკურნალობის დაწყების შემდეგ ყოველ 4-8 კვირაში ერთხელ ხდება სისხლის საერთო ანალიზის და ღვიძლის ფუნქციური ტესტების ლაბორატორიული მონიტორინგი. სტაბილურ დოზაზე მყოფი პაციენტის შემოწმება უნდა განხორციელდეს ყოველ 3-4 თვეში ერთხელ.[193]Yazici Y, Erkan D, Paget SA. Monitoring by rheumatologists for methotrexate-, etanercept-, infliximab-, and anakinra-associated adverse events. Arthritis Rheum. 2003 Oct;48(10):2769-72. http://www.ncbi.nlm.nih.gov/pubmed/14558081?tool=bestpractice.com [194]Yazici Y, Erkan D, Paget SA. Monitoring methotrexate hepatic toxicity in rheumatoid arthritis: is it time to update the guidelines? J Rheumatol. 2002 Aug;29(8):1586-9. http://www.ncbi.nlm.nih.gov/pubmed/12180713?tool=bestpractice.com

დაავადების აქტივობა და პასუხი თერაპიაზე

მონიტორინგი შესაძლებელია ნებისმიერი კომპოზიტური ქულით. მათში შედის დაავადების აქტივობის მაჩვენებელი ქულა (DAS) და მისი დერივატივები, ჯანმრთელობის მდგომარეობის შესაფასებელი კითხვარი (HAQ) და მისი დერივატივები, პაციენტთა რუტინული შეფასების მონაცემთა ინდექსი (RAPID3), დაავადების აქტივობის მაჩვენებელი გამარტივებული ინდექსი (SDAI) და დაავადების კლინიკური აქტივობის ინდექსი (CDAI).[185]Pincus T, Chung C, Segurado OG, et al. An index of patient reported outcomes (PRO-Index) discriminates effectively between active and control treatment in 4 clinical trials of adalimumab in rheumatoid arthritis. J Rheumatol. 2006 Nov;33(11):2146-52. http://www.ncbi.nlm.nih.gov/pubmed/17080518?tool=bestpractice.com [186]Pincus T, Sokka T. Complexities in the quantitative assessment of patients with rheumatic diseases in clinical trials and clinical care. Clin Exp Rheumatol. 2005 Sep-Oct;23(5 Suppl 39):S1-9. http://www.ncbi.nlm.nih.gov/pubmed/16273778?tool=bestpractice.com [187]Aletaha D, Smolen JS. The Simplified Disease Activity Index (SDAI) and Clinical Disease Activity Index (CDAI) to monitor patients in standard clinical care. Best Pract Res Clin Rheumatol. 2007 Aug;21(4):663-75. http://www.ncbi.nlm.nih.gov/pubmed/17678828?tool=bestpractice.com თუმცა ეს ქულები ხშირად რუტინულად არ გამოიყენება და წარმოადგენს დაავადების მართვის ერთ-ერთ მნიშვნელოვან ასპექტს, რაც რევმატოლოგიაში რუტინულად გამოყენებისთვის დახვეწას საჭიროებს. ACR-ის სამუშაო ჯგუფი რეკომენდაციას უწევს, რევმატოიდული ართრიტის შემთხვევაში, დაავადების სიმძიმის საზომ შემდეგ სიდიდეებს:

რევმატოლოგიის ამერიკული კოლეჯის (ACR) სამუშაო ჯგუფმა რეკომენდაცია გაუწია ქულათა სისტემებს რევმატოიდული ართრიტის მქონე პაციენტებში დაავადების აქტივობის გასაზომად: 28 სახსრიანი DAS (DAS28), CDAI, SDAI, პაციენტის აქტივობის შკალა (PAS) და RAPID3. ეს სიდიდეები ერთმანეთის მსგავს შედეგებს იძლევიან რევმატოიდული ართრიტით დაავადებულ პაციენტებში.[66]Anderson J, Caplan L, Yazdany J, et al. Rheumatoid arthritis disease activity measures: American College of Rheumatology recommendations for use in clinical practice. Arthritis Care Res (Hoboken). 2012 May;64(5):640-7. https://onlinelibrary.wiley.com/doi/full/10.1002/acr.21649 http://www.ncbi.nlm.nih.gov/pubmed/22473918?tool=bestpractice.com