დიფერენციული დიაგნოზები
სხვა ბაქტერიული მენინგიტები
ნიშნები / სიმპტომები
არ არსებობს ნიშანი ან სიმპტომი, რომელიც საიმედოდ მოახდენს ლისტერიოზის დიფერენცირებას ცენტრალური ნერვული სისტემის ინფექციის (CNS) სხვა მიზეზებისგან.
კისრის კეფის კუნთების რიგიდობა უფრო ხშირია ლისტერიისგან განსხვავებული პათოგენებით გამოწვეული მენინგიტის დროს.[1][6]
კვლევები
თავზურგტვინის სითხის (CSF) გრამის წესით შეღებვა, CSF კულტურა და სისხლის კულტურა არის არჩევანის კვლევები.
Streptococcus pneumoniae, Neisseria meningitidis და Haemophilus influenzae არაჰოსპიტალური ბაქტერიული მენინგიტის ხშირი მიზეზებია. მენინგიტი/ენცეფალიტის პანელის ტესტები თავზურგტვინის სითხეზე ხშირი ბაქტერიული პათოგენების გამოსავლენად, რომლებიც იწვევენ მენინგიტს ან ენცეფალიტს.
თავის ტვინის სხვა აბსცესები
ნიშნები / სიმპტომები
არ არსებობს ნიშანი ან სიმპტომი, რომელიც ზუსტად მოახდენს ლისტერიოზისა და ცენტრალური ნერვული სისტემის ინფექციის სხვა შესაძლო ეტიოლოგიების დიფერენცირებას.
კვლევები
კულტივირებითა და გრამის წესით შეღებვით შესაძლებელია სხვა პათოგენებისგან დიფერენცირება. ასევე, სისხლის კულტურა ხშირად დადებითია ლისტერიოზის დროს.
ვირუსული გასტროენტერიტი
ნიშნები / სიმპტომები
ვირუსულ გასტროენტერიტს შეიძლება თან ახლდეს ზემო სასუნთქი გზების სიმპტომები.
ანამნეზში შეიძლება არ იყოს ლისტერიოზზე საეჭვო საკვების მიღება.
კვლევები
განავლის ტესტები უარყოფითია ლისტერიაზე.
სხვა ბაქტერიული გასტროენტერიტები
ნიშნები / სიმპტომები
კლინიკური დიფერენცირებისთვის გამოიყენება სოციალური ანამნეზი, საკვების მიღების ანამნეზი, მოგზაურობის ანამნეზი, ინკუბაციური პერიოდი, ანამნეზში კუჭ-ნაწლავის ტრაქტის დაბინძურება, დიზენტერიის არსებობა, სპორადული ან ეპიდემიური შემთხვევები. პირველი ნიშნები და სიმპტომები შეიძლება ლისტერიოზის მსგავსი იყოს. შიგელას ინფექციის დროს, განავალი შეიძლება შეიცავდეს სისხლს ან ჩირქს.
კვლევები
განავლის ტესტები ან სეროლოგია შეიძლება დადებითი იყოს ისეთ მიკროორგანიზმებზე, როგორიცაა Campylobacter jejuni, Salmonella ან Shigella.
ტოქსოპლაზმოზი
ნიშნები / სიმპტომები
ანამნეზში უმი ხორცის მიღება ან სახლში კატის ყოლა.
აუხსნელი ცხელება და გენერალიზებული ლიმფადენიტი.
კვლევები
სეროლოგიით შეიძლება გამოვლინდეს IgM და IgG ანტისხეულები Toxoplasma gondii წინააღმდეგ.
ინფიცირებული ლიმფური კვანძის მიკროსკოპული კვლევით შეიძლება დადასტურდეს ტოქსოპლაზმოზი.
სარკოიდოზი
ნიშნები / სიმპტომები
დაზიანება შეიძლება მოიცავდეს ნებისმიერ ორგანოს, თუმცა კვანძოვანი ერითემა უფრო სპეციფიკურია სარკოიდოზისთვის.
კვლევები
გულმკერდის რადიოგრაფიით შეიძლება გამოვლინდეს ჰილარული ლიმფური კვანძების ორმხრივი გადიდება.
ლიმფური კვანძის ან დაზიანებული ქსოვილის ბიოფსიით შეიძლება გამოვლინდეს გრანულომები ცენტრალური ნეკროზის გარეშე.
შეიძლება გამოვლინდეს ჰიპერკალციურია.
ვასკულიტი
ნიშნები / სიმპტომები
სისტემური სიმპტომები და ნიშნები შეიძლება მსგავსი იყოს, რის გამოც დიაგნოსტიკა რთულდება.
კვლევები
დაზიანებული ორგანოს ბიოფსიით ვლინდება ნებისმიერი ზომის სისხლძარღვის თრომბოზი და ანთება და სისხლძარღვის კედლის ინვაზია ანთებითი უჯრედების მიერ.
სეპტიური აბორტი
ნიშნები / სიმპტომები
სხვა გამომწვევებთან შედარებით განმასხვავებელი ნიშნები არ არსებობს.
ორსულებში ცხელება, შემცივნება და ბაქტერიემია ნებისმიერი ორგანოს ინფექციის გამო შეიძლება გახდეს ქორიოამნიონიტის, ნაყოფის სეფსისისა და სიკვდილის მიზეზი.
კვლევები
გამომწვევ ეტიოლოგიურ მიკროორგანიზმს გამოვყოფთ სისხლიდან, პლაცენტიდან და ამნიონური სითხის კულტივირებით.
ამ მასალის გამოყენება ექვემდებარება ჩვენს განცხადებას