ურგენტული საკითხები
იხ. დიფერენციული დიაგნოზები დამატებითი დეტალებისთვის
გარდა იმ შემთხვევებისა, როცა ფონური მიზეზი აშკარაა (და სათანადოდ იმართება), პანციტოპენია ყოველთვის მოითხოვს ჰემატოლოგის გამოკვლევას.
მძიმე პანციტოპენია
მძიმე პანციტოპენიის ყველა შემთხვევაში (სიმპტომური ანემია, რეტიკულოციტების აბსოლუტური რაოდენობა <60 x 109/ლ [<60,000/მიკრლიტრი], WBC <0,5 x 109/ლ [<500/მიკრლიტრი] და თრომბოციტები <20 x 109/ლ. 20 x 10³/მიკროლიტრი]) გამოკვლევა სავალდებულოა 24-დან 48 საათამდე. დამხმარე თერაპია სისხლის წითელი უჯრედების, ერითროციტებისა და თრომბოციტების ტრანსფუზიით და ფართო სპექტრის ანტიბიოტიკებით ანემიის, სისხლდენის და/ან ინფექციის სამკურნალოდ უნდა დავიწყოთ გამომწვევი მიზეზის დადგენამდე.
მწვავე მიელოიდური ლეიკემია
გვხვდება ყველა ასაკობრივ ჯგუფში, თუმცა მეტწიალდ ხანდაზმულებში. პროგნოზისთვის მნიშვნელოვანია ციტოგენური დარღვევები, რაც ზემოქმედებას ახდენს პაციენტის მართვის ტაქტიკაზე.[26]კლინიკური ანამნეზი უმეტეს სიმპტომებთან და ნიშნებთან ერთად, ჩვეულებრივ ასახავს ძვლის ტვინის უკმარისობას. ასეთი სიმპტომებია: დაღლილობა, დისპნოე, თავბრუსხვევა, სისხლდენა, ადვილად დაჟეჟილობა და განმეორებითი ინფექციები. პაციენტთა უმრავლესობის მკურნალობა ხდება ქიმიოთერაპიითა და კონსოლიდაციის რეჟიმებით. ჰემატოპოეზური ღეროვანი უჯრედების ტრანსპლანტაცია აგრეთვე სასარგებლოა კონკრეტულ პაციენტებში.
მწვავე ლიმფობლასტური ლეიკემია
წარმოადგენს მწვავე ლეიკემიის ყველაზე ხშირ ფორმას ბავშვებში, თუმცა გვხვდება ასევე ზრდასრულებშიც. კლინიკური ანამნეზი უმეტეს სიმპტომებთან და ნიშნებთან ერთად, როგორც წესი, ასახავს ძვლის ტვინის უკმარისობას. ასეთი სიმპტომებია: დაღლილობა, დისპნოე, თავბრუსხვევა, სისხლდენა, ადვილად დაჟეჟილობა და განმეორებითი ინფექციები. გასინჯვით შესაძლოა გამოვლინდეს სიფერმკრთალე, ეკქიმოზები და ლიმფადენოპათია. ცენტრალური ნერვული სისტემის ჩართულობის შემთხვევაში შესაძლებელია გამოვლინდეს ნევროლოგიური სიმპტომები და/ან ნიშნები. მკურნალობა მოიცავს ქიმიოთერაპიის მულტიაგენტურ დოზაინტენსიურ რეჟიმებს, ინდუქციის, კონსოლიდაციისა და შენარჩუნების ფაზებით.
შეძენილი აპლაზიური ანემია
იშვიათი დაავადებაა, რომელიც ნებისმიერ ასაკობრივ ჯგუფში შეიძლება შეგვხვდეს. ხასიათდება პანციტოპენიით, რომელსაც თან ახლავს შემცირებული ჰემატოპოეზი ან ჰემატოპოეზის არარსებობა, ძვლის ტვინში ავთვისებიანი ინფილტრატისა და ფიბროზის გარეშე. მძიმე აპლაზიური ანემიის (SAA) განმარტება კამიტას მოდიფიცირებული კრიტერიუმებით: ძვლის ტვინის უჯრედულობა <25% და ჩამოთვლილი სამი კრიტერიუმიდან სულ მცირე 2-ის არსებობა:[27][28]
ნეიტროფილები <0.5 x 10^9/ლ (<500/მიკროლიტრზე) (ძალიან მძიმე აპლასტიკური ანემია [VSAA] <0.2 x 10^9/ლ [<200/მიკროლიტრზე])
თრომბოციტების რაოდენობა: <20 x 10^9/ლ (<20 x 10^3/მიკროლიტრზე)
რეტიკულოციტების რაოდენობა <60 x 10⁹/ლ (<60 x 10³/მიკროლიტრზე) რეტიკულოციტების რაოდენობის ავტომატური მთვლელის გამოყენებით.
კლინიკური ანამნეზი უმეტეს სიმპტომებთან და ნიშნებთან ერთად, როგორც წესი, ასახავს ძვლის ტვინის უკმარისობას. ასეთი სიმპტომებია: დაღლილობა, დისპნოე, თავბრუსხვევა, სისხლდენა, ადვილად დაჟეჟილობა და განმეორებითი ინფექციები.
ამ მასალის გამოყენება ექვემდებარება ჩვენს განცხადებას