ეტიოლოგია
ზედა საშარდე გზები (არაგორგლოვანი)
ზედა საშარდე გზების არაგლომერულური გამომწვევი მიზეზები მიკროჰემატურიის დროს: ინფექცია (პიელონეფრიტი); კენჭის ჩამოყალიბება (ნეფროლითიაზი); და 3 უფრო ფართო ჯგუფი:
მასობრივი დაზიანებები მერყეობს კეთილთვისებიანი მარტივი თირკმლის კისტებიდან ავთვისებიან სიმსივნემდე (თირკმლის უჯრედის კარცინომა და კალიცის ან ზედა ტრაქტის უროთელიუმის კიბო [ადრე ეწოდებოდა გარდამავალი უჯრედის კარცინომა]). სისხლძარღვშიდა შემავალი ნაკადის დაავადებების მაგალითებია: თირკმლის არტერიის ინფარქტი, თირკმლის ვენის თრომბოზი, არტერიოვენური მაფლორმაციები, პაპილური ნეკროზი (ან ნამგლისებრუჯრედოვანი დაავადება). შარდის გამოყოფის პრობლემების გამომწვევი მდგომარეობები: ჰიდრონეფროზი, ვეზიკოურეტერული რეფლუქსი, ფიალათა დივერტიკულები და მენჯისა და შარდსაწვეთის შეერთების ადგილის ობსტრუქცია.
მიკროჰემატურიით შესაძლოა მიმდინარეობდეს თირკმლის სხვა დაავადებები: თირკმლის პოლიცისტური დაავადება, ატროფიული თირკმელი და ღრუბლისებრი თირკმელი (ტვინოვანი შრე).
ზედა საშარდე გზები (გორგლოვანი)
მიკროსკოპული ჰემატურიით მიმდინარე თირკმლის გლომერულური დაავადებების (მწვავე გლომერულონეფრიტი, მგლურას ნეფრიტი, გლომერულების ბაზალური მემბრანის დაავადება და IgA ნეფროპათია) დადგენა ადრეულ ეტაპებზე შესაძლებელია სისხლის წითელი უჯრედების მორფოლოგიის განსაზღვრითა და პროტეინურიის არსებობით.[4][8][19][20] ამ დარღვევების ადრეული გამოვლენა იძლევა უფრო მიზანმიმართული გამოკვლევის საშუალებას და საჭიროებს ნეფროლოგის კონსულტაციას.
ქვედა საშარდე გზები
ქვედა საშარდე გზები: შარდის ბუშტი, წინამდებარე ჯირკვალი, შარდსადენი და პენისი. როგორც ზედა საშარდე გზების შემთხვევაში, ინფექცია (ცისტიტი, ურეთრიტი, პროსტატიტი), კენჭის ჩამოყალიბება, სიმსივნეები (მაგ. შარდის ბუშტის პაპილომა) და დივერტიკულები მიკროჰემატურიას ქვედა საშარდე გზებიდანაც იწვევენ. ყველაზე ხშირად ავთვისებიანი დაზიანება, რომელიც იწვევს მიკროსკოპულ ჰემატურიას, ხდება ქვედა საშარდე გზებში, კონკრეტულად უროთელიუმის კიბოში.[7][14][15][16][17]
მიკროსკოპული ჰემატურიის განმაპირობებელ ფაქტორებად აგრეთვე უნდა განვიხილოთ ცისტიტის არაინფექციური გამომწვევი მიზეზები (დასხივებით გამოწვეული, ინტერსტიციული და ეოზინოფილური ცისტიტი) და მდგომარეობები, რომლებიც მხოლოდ მამაკაცებში გვხვდება (წინამდებარე ჯირკვლის კეთილთვისებიანი ჰიპერპლაზია, წინამდებარე ჯირკვლის (პროსტატა) კიბო, ფიმოზი, პენისის კიბო).
მიკროჰემატურიის გამომწვევი ქვედა საშარდე გზების სხვა მიზეზებია შარდის ბუშტის ყელის კონტრაქტურა და შარდსადენის სტრიქტურა.
მიკროსკოპული ჰემატურიის საშარდე გზებსგარე გამომწვევი მიზეზები
ამ ჯგუფს ზოგიერთი ადვილად ამოსაცნობი მდგომარეობა მიეკუთვნება, შესაბამისად, მათ შესახებ ინფორმაციის შეგროვება ანამნეზში ადრეულ ეტაპზეა საჭირო. ასეთი მდგომარეობებია, მაგ: მენსტრუაცია და ტრავმა (სქესობრივი აქტივობა, დაჟეჟილობა, ვარჯიში). სხვა მიზეზები: აივ, ლიმფომა, მრავლობითი მიელომა და საშარდე გზების ტუბერკულოზი.[21]
ამ მასალის გამოყენება ექვემდებარება ჩვენს განცხადებას