გართულებები
პაციენტებს შეიძლება არ ჰქონდეთ სასუნთქი გზების დაცვის უნარი, შეცვლილი ფსიქიკური სტატუსის გამო.
საწოლის თავის მდებარეობა შენარჩუნებული უნდა იყოს 30°-ზე ასპირაციის თავიდან აცილების და სასუნთქი გზების დაცვის ხელშესაწყობად. ინტუბაცია უნდა ჩატარდეს საჭიროებისამებრ.
შეიძლება ადგილი ჰქონდეს ანთებას ქიმიური პნევმონიტის ან ბაქტერიული ინფექციის (როგორც წესი, ანაერობული) გამო.
ანტიბიოტიკთერაპია მიმართული უნდა იყოს ანაერობებზე (განსაკუთრებით ცუდი თანკბილვის მქონე პაციენტებში).
აშკარა ღვიძლისმიერი ენცეფალოპათია ძლიერ არის დაკავშირებული განმეორებით ჰოსპიტალიზაციასთან 30 და 90 დღის განმავლობაში.[60]
ღვიძლისმიერი ენცეფალოპათია ზრდის დაცემის რისკს. ციროზის მქონე პაციენტთა კვლევაში, რომლებიც მიიყვანეს გადაუდებელი სამედიცინო დახმარების განყოფილებაში დაცემის შემდეგ, ღვიძლისმიერი ენცეფალოპათია დაკავშირებული იყო მძიმე დაზიანებასთან (ქალასშიდა ჰემორაგიის, ქალას მოტეხილობის და მენჯის მოტეხილობის ჩათვლით).[59]
ზოგიერთ პაციენტს აქვს გრძელვადიანი მუდმივი და შეუქცევადი ნევროლოგიური დარღვევები, მათ შორის, კუნთების გაზრდილი ტონუსი, დიზართრია ან აპრაქსია, დემენცია, პარკინსონიზმი ან მიელოპათია. დასაქმების ან მანქანის მართვის დაკარგვა და თვითმომსახურების უუნარობა ასევე გართულებებია, განსაკუთრებით, თუ ეპიზოდები მეორდება.
სამუშაო მეხსიერების მუდმივი გაუარესება, რეაგირების დათრგუნვა და სწავლა ხდება აშკარა HE ეპიზოდის შემდეგ, თუნდაც სიფხიზლის და ორიენტაციის ნორმაში დაბრუნების შემდეგ.[57] აშკარა HE გამო ჰოსპიტალიზაციების რაოდენობა კორელაციაშია ნარჩენი დარღვევების სიმძიმესთან.[56] ბოლოდროინდელი აშკარა HE მქონე პაციენტებს მკურნალობისას აქვთ მართვის მოდელირების გაუარესებული მახასიათებლები და მომატებული დაღლილობა მართვის დროს.[58]
ღვიძლის მწვავე უკმარისობისგან განსხვავებით, სადაც ხშირია თავის ტვინის შეშუპება, HE-ში ღვიძლის მწვავე უკმარისობის გარეშე ეს ძალიან იშვიათი გართულებაა.[61]
ამ მასალის გამოყენება ექვემდებარება ჩვენს განცხადებას